საქართველოს საელჩო ისრაელში მოუწოდებს მოქალაქეებს არ დატოვონ საცხოვრებელი ადგილები და თავი შეაფარონ დაცულ ოთახს, ასეთის არარსებობის შემთხვევაში კი თავი შეაფარონ კინის შიდა უჯრედს.

"ჩვენთვის ცნობილი გახდა, რომ გაფრთხილების და მოწოდების მიუხედავად, ჩვენი მოქალაქეების ნაწილი მაინც არ იკავებს თავს გარე პერიმეტრზე გასვლისგან! დაბეჯითებით გაფრთხილებთ, ვითარება არის სერიოზულად მძიმე და არაპროგნოზირებადი. მოგიწოდებთ, დაიცვათ უსაფრთხოების ზომები", — აცხადებენ საელჩოში.

საელჩო განსაკუთრებული სიფრთხილისკენ მოუწოდებს შემდეგ ქალაქში მცხოვრებ მოქალაქეებს: აშკელონი, რიშონ ლეციონი, აშდოდი, ხოლონი, ბათ იამი, თელ ავივი, ჰერცელია, რამათ განი, გივატაიმი, ბნეიბრაკი, (სრულად ქვეყნის ცენტრის) ბეერშევა ნეტივოტი, ნეთანია.

"გავრცელებული მუქარის თანახმად, თავდასხმები ინტენსიურად ამ ქალაქებზე განხორციელდება", — ვკითხულობთ საელჩოს განცხადებაში.

საელჩო მოუწოდებს ისრაელში მცხოვრებ მოქალაქეებს საჭიროების შემთხვევაში დარეკონ ცხელ ხაზზე, ხაზის დაზიანების შემთხვევაში კი გამოიყენონ ვოთსაფ ან ვაიბერ აპლიკაციები:

  • 0526919092 — დავით ჩაჩავა;
  • 0528888513 — მიხეილ ბაბლუანი;
  • 0548620270 — ნინო ჩანტლაძე.

შესაძლებელია დაუკავშირდეთ საელჩოს ფეისბუქ-მესენჯერშიც.

გაიგე მეტი: