რეალითი შოუს ვარსკვლავმა და რესპუბლიკელმა კეტლინ ჯენერმა ტვიტერიდან ამერიკის პრეზიდენტს დონალდ ტრამპს მიმართვა გაუგზავნა.

გუშინ ტრამპის ადმინისტრაციამ გააუქმა ობამას პრეზიდენტობის დროს შემოღებული ნორმა, რომლის მიხედვითაც, ტრანსგენდერი ბავშვები საჯარო სკოლებში საკუთარი იდენტობისთვის შესაბამისი ტუალეტებით სარგებლობდნენ.

კეტლინ ჯენერი, რომელიც შეიძლება ითქვას, რომ ტრანსგენდერთა ერთობის ყველაზე ცნობილი სახეა და არჩევნებში დონალდ ტრამპს უჭერდა მხარს, ახლა მისგან დაპირების შესრულებას ითხოვს.

თავის ვიდეოში, ის მიმართავს ტრანსგენდერ ბავშვებს, მჩაგვრელებსა და პრეზიდენტს.

"მინდა რაღაც ვუთხრა ამერიკის ტრანს ბავშვებს. თქვენ იმარჯვებთ. ვიცი, რომ ეს ასე არ ჩანს დღეს, მაგრამ თქვენ იმარჯვებთ, ყოველ დღე. თქვენ იმდენჯერ გაიმარჯვებთ, რომ ამისგან დაიღლებით. ძალიან მალე, ჩვენ მოვიგებთ სრულ თავისუფლებას ჩვენი ქვეყნის მასშტაბით და ეს გამარჯვება იქნება ორივე პარტიის მიერ მიღებული შეთანხმება.

მივმართავ ყველა ჩემს მეგობარს, თუ გსურთ რომ გამარჯვების მხარეს იდგეთ, თქვენ შეგიძლიათ დაგვეხმაროთ ტრანსების თანასწორობის ეროვნულ ცენტრში და ვაშინგტონს თქვენი ხმა მიაწვდინოთ.

მინდა ასევე მივმართო მჩაგვრელებს. თქვენ ამაზრზენები ხართ. ხელმოცარულები, რომლებიც ისევ დამარცხდებით. რადგან თქვენ სუსტები ხართ და ჩაგრავთ მათ, ვინც დაუცველნი ჩანან - ბავშვებს და ქალებს.

როგორც ჩანს, გენერალური პროკურორობაც არაა საკმარისი, რომ ზოგიერთი თქვენგანი ამ უმწეობის განცდისგან გათავისუფლდეთ. იმის მტკიცებულებად, რომ თქვენ ჩვენს პროგრესს ვერ შეაჩერებთ, უზენაესი სასამართლო მალე მიიღებს მამაცი კაცის, გეივინ გრიმის სარჩელს მნიშვნელოვანი 9 შემთხვევის შესახებ. სასამართლოში გნახავთ!

მე დონალდ ტრამპისთვისაც მაქვს მესიჯი. როგორც ერთი რესპუბლიკელისგან, მეორეს. ეს საშინელებაა, რომლის გამოსწორება ჯერ კიდევ შეგიძლია. შენ პირობა დადე, რომ ლგბტქ ადამიანების უფლებებს დაიცავდი. დამირეკე!"