ბათუმისა და ლაზეთის მიტროპოლიტი, მეუფე დიმიტრი დარწმუნებულია, რომ ვანისა და ბაღდათის მიტროპოლიტი ანტონი ჟურნალისტზე ფიზიკურ და სიტყვიერ თავდასხმას "განიცდის და ნანობს".

"საერთოდ, ძალადობა ყველაგნ დასაგმობია, ეს ცხადზე უცხადესია. თავისთავად, არ იყო ეს ყველაფერი ლამაზი და დარწმუნებული ვარ, რომ მეუფე ანტონი ამას განიცდის და ნანობს. საერთოდ რაც ხდება ამ ბოლო პერიდოში, ძალიან რთულია აღსაქმელი და მოსასმენია", — თქვა მან.

8 მაისს ვანისა და ბაღდათის მიტროპოლიტმა, მეუფე ანტონმა მთავარი არხის ჟურნალისტს ფიზიკური და სიტყვიერი შეურაცხყოფა მიაყენა. ტელეკომპანიის მიერ გავრცელებულ კადრებში ჩანს, რომ ინტერვიუსთვის მისულ ჟურნალისტს მეუფე ანტონი აგრესიით ხვდება და მოუწოდებს, რომ ადგილი დატოვოს.