პრემიერმინისტრი ირაკლი ღარიბაშვილი ამბობს, რომ ნიკა მელიას საქმე აღარ არის საინტერესო. ჟურნალისტების მიერ დასმულ კითხვაზე, ნიშნავდა თუ არა, ევროკავშირის მიერ გადახდილი გირაო პოლიტპატიმრობის აღიარებს, პრემიერმინისტრმა თქვა, რომ "უნიჭოდ დადგმული შოუ" არ აინტერესებს.

"ჩვენს მოსახლეობას აქვს უამრავი პრობლემა, როგორიცაა სიღარიბე, უმუშევრობა, კოვიდპანდემია. არ მაინტერესებს გაუგებარი პოლიტიკოსების უნიჭოდ დადგმული სპექტაკლები და შოუ", — თქვა ღარიბაშვილმა.

მისივე თქმით, კანონის აღსრულებისთვის ნებართვას არავისგან იღებენ და კანონზე მაღლაც არავინ იდგება:

"ჩვენ არავის შევეკითხებით ნებართვას, მათ შორის არც ამ გაუგებარ ადამიანს, რომელიც ბაქიბუქობდა ტყუილად, რომელიც ბაქიბუქობდა ტყუილად. ასევე ამბობდა, რომ გირაოს არ მიიღებდა თუ არ გადაიხდიდა. აღმოჩნდა, რომ დაიჭირეს კიდევაც და გირაოც მიიღო ძალიან კარგად".