არ არსებობს საფუძველი, რომ კანონს ვეტოს დადება დაემუქროს — მათიკაშვილი კოდექსის ცვლილებებზე
![](http://monica.on.ge/2021/05/06/mat_6093cba21178a.jpg)
ფოტო: საქართველოს პარლამენტი
პარლამენტის დეპუტატი, დავით მათიკაშვილი ამბობს, რომ საფუძველი არ არსებობს იმისათვის, რომ ადმინისტრაციულ სამართალდარღვევათა კოდექსში შესატან ცვლილებებს ვეტო დაედოს. ამის შესახებ მან ჟურნალისტებთან განაცხადა.
"პრეზიდენტს თავისი დისკრეცია გააჩნია, თუმცა საფუძველი რომ ამ კანონს რაიმე სახით დაემუქროს ვეტოს დადება, არ არსებობს. დაველოდოთ მოვლენების განვითარებას. ვფიქრობთ, რომ ის არგუმენტაცია, რომელიც ადმინისტრაციულ სამართალდარღვევათა კოდექსში შეტანილ ცვლილებებს თან ახლავს, არის საკმარისი იმისთვის, რომ ყველა დარწმუნდეს, რომ ეს კანონი კონკრეტულად არსებული მოცემულობიდან და საკონსტიტუციო გადაწყვეტილებად გამომდინარეობს და სხვა მიზანი არ გააჩნია", — აღნიშნა დეპუტატმა.
საქართველოს პრეზიდენტი, სალომე ზურაბიშვილი ადმინისტრაციულ სამართალდარღვევათა კოდექსში შეტანილ ცვლილებებთან დაკავშირებით ოპოზიციური პარტიების წარმომადგენლებს ხვდება. ოპოზიციური პარტიის წარმომადგენლები აცხადებენ, რომ პრეზიდენტმა კანონპროექტს ვეტო დაადოს.
მათივე ცნობით, პრეზიდენტი დღეს სალომე სამადაშვილსა და სტრატეგია აღმაშენებლის ლიდერს, გიორგი ვაშაძეს შეხვდა, გუშინ კი გირჩის ლიდერს, იაგო ხვიჩიასა და პარტია მოქალაქეების წარმომადგენლებს.
როგორც პრეზიდენტის ადმინისტრაციაში აცხადებენ, ასევე, დაგეგმილია სხვა ოპოზიციური პარტიების წარმომადგენლებთან შეხვედრა.
რა ცვლილებები შედის
29 აპრილს პარლამენტმა დაჩქარებულად განიხილა და დაამტკიცა ადმინისტრაციულ სამართალდარღვევათა კოდექსში ცვლილებები მესამე მოსმენით.
კანონპროექტის თანახმად, ადმინისტრაციულ სამართალდარღვევათა კოდექსში ცვლილებები შედის, რის შედეგადაც წვრილმანი ხულიგნობისა (166-ე მუხლი) და სამართალდამცველის მოთხოვნისადმი დაუმორჩილებლობისთვის (173-ე მუხლი) სანქციები იზრდება.
წვრილმან ხულიგნობაზე პირველი ადმინისტრაციული დარღვევის შემთხვევაში, სანქცია რჩება იგივე, ანუ 500-დან 1000 ლარამდე ჯარიმა ან 15 დღემდე პატიმრობა. განმეორებითი სამართალდარღვევის შემთხვევაში ჯარიმა იქნება 1 500-დან 2 000 ლარამდე ან 5-დან 15 დღემდე პატიმრობა.
რაც შეეხება სამართალდამცველის მოთხოვნისადმი დაუმორჩილებლობისთვის, აღნიშნული სამართალდარღვევა გამოიწვევს დაჯარიმებას 2 000-დან 3 000 ლარამდე ან პატიმრობას 15 დღემდე ვადით. განმეორების შემთხვევაში 3 500 ლარიდან 4 500-ლარამდე ჯარიმა ან 7-დან 15 დღემდე პატიმრობა.
ამასთან ცვლილება ეხება პატიმრობასაც. 247-ე მუხლი ჩამოყალიბდა შემდეგი რედაქციით:
- ადმინისტრაციული დაკავების დროს, დაკავებული პირი პირველი შესაძლებლობისთანავე, მაგრამ არა უგვიანეს 24 საათისა წარედგინება სასამართლოს.
- მტკიცებულების მოპოვების მიზნით, ამ მუხლის პირველი ნაწილით გათვალისწინებული ვადა შეიძლება ერთჯერადად გახანგრძლივდეს არაუმეტეს 24 საათით. ამ შემთხვევაში უფლებამოსილი ორგანოს შესაბამისი თანამშრომელი წერილობით ასაბუთებს ადმინისტრაციული დაკავების ვადის გახანგრძლივების მიზანშეწონილობას.
- თუ დაკავებული პირი ამ მუხლის პირველი ან მეორე ნაწილით გათვალისწინებულ ვადაში არ წარედგინა სასამართლოს, იგი დაუყოვნებლივ უნდა გათავისუფლდეს.
- დაკავებული პირი სასამართლოსთვის წარდგენამდე უფლებამოსილმა ორგანომ შეიძლება მოათავსოს დროებით მოთავსების იზოლატორში.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები