დაავადებათა კონტროლის ეროვნული ცენტრის (NCDC) ცნობით, AstraZeneca-ს ვაქცინის მეორე დოზის მისაღებად რეგისტრაცია დღეს, 5 მაისის 20:00 საათიდან დაიწყება. თავად აცრის პროცესი — 10 მაისიდან.

NCDC-ის ინფორმაციით, დოზებს შორის ინტერვალი 4-12 კვირაა. სამედიცინო დაწესებულების შერჩევა კი, სურვილისამებრ ხდება.

"ასაკობრივი შეზღუდვა არ ვრცელდება მათზე, ვინც პირველი დოზით აცრა ასტრაზენეკას ვაქცინით ჩაიტარა. აცრისთვის ვიზიტის დასაჯავშნად ეწვით პლატფორმას booking.moh.gov.ge ან დარეკეთ ნომერზე 1522", — აცხადებენ NCDC-ში.

რეგისტრაციის ინსტრუქციისთვის გადადით ბმულზე: COVID-19 საწინააღმდეგო ვაქცინაციისათვის სარეგისტრაციო ელექტრონული სისტემა