ოპოზიცია პარლამენტში მივიდა. ამის მიზანი შარლ მიშელის შეთანხმების საბოლოო შესრულებაა, რის შემდეგაც ნიკა მელია და გიორგი რურუა უნდა გათავისუფლდნენ.

სავარაუდოდ, დღეს მოხდება ამნისტიის კანონის ინიცირება, რომელიც ნიკა მელიას გათავისუფლებისთვის შარლ მიშელის მიერ შემოთავაზებული ერთ-ერთი გზაა. თუმცა თავად მელია ამ კანონის უკან გაწვევას ითხოვს და თანახმაა ევროკავშირის გირაოზე.

6-თვიანი ბოიკოტის შემდეგ, დღეს პარლამენტში პირველად მივიდნენ: ლელო, სტრატეგია აღმაშენებელი, რესპუბლიკური პარტია, გირჩი — მეტი თავისუფლება, ასევე, ინდივიდუალურად არიან სალომე სამადაშვილი, შალვა შავგულიძე. პარლამენტში არ არიან ნაციონალური მოძრაობა და ევროპული საქართველო, ასევე, ლეიბორისტული პარტია და პატრიოტთა ალიანსი

საკანონმდებლო ორგანოში უკვე არიან გირჩი და მოქალაქეები. მათგან ალეკო ელისაშვილის პარტია უკვე მონაწილეობს საპარლამენტო საქმიანობაში, ხოლო ხვიჩია, მეგრელიშვილი და რაქვიაშვილი აცხადებენ, რომ მხოლოდ საპარლამენტო ტრიბუნას გამოიყენებენ, ასევე, ისარგებლებენ იარაღის ტარების უფლებითა და დეპუტატის იმუნიტეტით