ბავშვთა სამყაროს მოვაჭრეებმა ხანძრის შედეგად მიყენებული ზიანის ანაზღაურების მოთხოვნით შიმშილობა დაიწყეს. განცხადება ამის შესახებ მოვაჭრეებმა დღეს, საქართველოს ადვოკატთა ასოციაციის ოფისში გამართულ პრესკონფერენციაზე გააკეთეს.

ადვოკატთა ასოციაციის თავმჯდომარის, ზაზა ხატიაშვილის თქმით, პროტესტის უკიდურესი ფორმა გაგრძელდება მანამ, სანამ არ მოხდება დაზარალებული ადამიანების მოთხოვნების დაკმაყოფილება.

"ყველა ზომას მივმართეთ, ყველა ინსტანციაში მივედით, ყველამ გადაგვამისამართა - ჩვენი ბრალი არ არის, იმათ მიმართეთ ამათ მომართეთო, მივედით და არანაირი შეღავათები ბანკებში არ არის," - განაცხადა ერთ-ერთმა მოვაჭრემ.

თბილისში, სავაჭრო ცენტრ ბავშვთა სამყაროში 30 იანვარს, გამთენიისას გაჩენილი ხანძრის შედეგად სრულიად განადგურდა შენობა, დაზარალდა ათობით მოვაჭრე, რომლებსაც სავაჭრო ცენტრში და მის მიმდებარე ბაზრობებზე ტანსაცმლის, ავეჯის, ოქრო-ვერცხლის მაღაზიები ჰქონდათ.