სამყაროში ყველა ადამიანმა რომ ზურგი გაქციოთ, ჯეიმს ბლანტი დარჩება და გეტყვით, რომ მშვენიერი ხართ. ინგლისელმა შემსრულებელმა და სიმღერების ავტორმა მსოფლიო 2005 წელს ჰიტით You're Beautiful დაიპყრო. საკულტო სიმღერის გარდა, რომელსაც დღემდე უამრავი გულშემატკივარი ჰყავს, ჯეიმს ბლანტი იუმორითაც გამოირჩევა. ამას კი ტვიტერზე მისი აქტიურობაც ადასტურებს: მომღერალს საკუთარი შემოქმედების შესახებ კომენტარების ავტორებისთვის სახალისო პასუხების დაბრუნება არასდროს ბეზრდება.

ფოტო: Giphy

გთავაზობთ ჯეიმს ბლანტის 8 სახალისო ტვიტს, რომელიც კარგ განწყობას შეგიქმნით:

1. საფირმო ხუმრობით დავიწყოთ

ScottieBeam: "თუ დღეს შენთვის ეს არავის უთქვამს: მშვენიერი ხარ".

JamesBlunt: "უკვე ვუთხარი".

2. მუდამ ჭეშმარიტების სადარაჯოზე

Khiggs3310: "რატომ ჰყავს ჯეიმს ბლანტს მილიონი გამომწერი? ის რელევანტური 2009 წლის შემდეგ აღარაა".

JamesBlunt: "2006 წლის შემდეგ".

3. გულშემატკივრების სურვილი კანონია!

scylver: "ღმერთო ჩემო, დაბლა ტელევიზორში ჯეიმს ბლანტია. შეიძლება დღე ამაზე ცუდად წავიდეს?

JamesBlunt: "ახლა მაღლა ამოვალ".

4. დიად ჰიტებს დიდძალი შემოსავალი მოაქვთ

zachfromcorp: "როგორ ფიქრობთ, ჯეიმს ბლანტს You're Beautiful-ით მიღებული ფული გამოელია?"

JamesBlunt: "ჰაჰაჰა. არა".

5. პანდემიის დროსაც ჩვენზე ზრუნავდა

"ლოქდაუნის დროს უამრავი არტისტი სახლებიდან მინი-კონცერტებს აწყობს. მე გადავწყვიტე, რომ ყველას პატივს დაგდებთ და ასე არ მოვიქცევი".

6. როცა ჯეიმს ბლანტზე ხუმრობ, პასუხისთვის მზად უნდა იყო

niamhpattonx: "ვერ ვიჯერებ, რომ ისეთი მეგობარი მყავს, რომელსაც ჯეიმს ბლანტი მართლა მოსწონს და ჯინსებიც კომფორტულად მიაჩნია".

JamesBlunt: "ვერც მე ვიჯერებ, რომ მეგობარი გყავს".

7. არც საკუთარ თავზე ხუმრობას უფრთხის

terrierdaveuk: "ჯეიმს ბლანტის კონცერტზე თვითონ ჯეიმს ბლანტიც არ წავიდოდა".

JamesBlunt: "სანამ ამისთვის ფულს არ გადამიხდიდნენ".

8. საკუთარი სიმღერის ისტორია არ ესწავლება

asktoybox: "ახლა გამახსენდა ჯეიმს ბლანტის სიმღერა You're Beautiful. საშინელი სიმღერაა, თუ კარგად მოუსმენთ. სიმღერა ბიჭზეა, რომელიც გოგოს დაინახავს და მისი გარეგნობის გამო "შეუყვარდება". მის შესახებ არაფერი იცის".

JamesBlunt: "ის გოგო ჩემი ყოფილი შეყვარებული იყო".