პრეზიდენტმა სალომე ზურაბიშვილმა განაცხადა, რომ გიორგი რურუას გათავისუფლების შესახებ შეწყალებისთვის განსაზღვრული ორი პირობიდან ერთი უკვე შესრულებულია, მეორე პირობის შესრულების დღესვე კი იგი გამოსცემს პრეზიდნეტის შეწყალების აქტს.

"იქიდან გამომდინარე, რომ პოლიტიკურმა პარტიებმა — მმართველმა პარტიამ და ოპოზიციამ, შეთანხმებას მიაღწიეს, რაც ევროპული საბჭოს პრეზიდენტმა და ასევე აშშ-ს ელჩმა დაადასტურა, ამგვარად პირველი პირობა შესრულებულია.

რაც შეეხება მეორე პირობას, პოლიტიკურმა პარტიებმა საჯაროდ მოაწერეს ხელი საბოლოო შეთანხმების დოკუმენტს და მათი პარლამენტში შესვლა 27 აპრილს, პლენარულ სხდომაზე იგეგმება.

ეს ნიშნავს, რომ განცხადების შესაბამისად, ერთი კვირის ვადაში შესრულდება მეორე პირობაც. მაშასადამე, იმ დღესვე გამოიცემა პრეზიდენტის შეწყალების აქტი!", — წერს ზურაბიშვილი საკუთარ ფეისბუქგევრდზე.

19 აპრილს სალომე ზურაბიშვილმა განაცხადა, გიორგი რურუას მაშინ შეიწყალდებდა, "როცა პარტიები ხელს მოაწერენ დოკუმენტს და შევლენ პარლამენტში და მეორე მხრივ, როცა ევროკავშირისა და აშშ-ს წარმოამდგენლები განაცხადებენ, რომ შეწყალება შედგა".