ვაქცინის მე-2 დოზის მისაღებად რეგისტრაცია უკვე შესაძლებელია. ინფორმაციას ამის შესახებ დაავადებათა კონტროლის ცენტრი ავრცელებს. მათი ცნობით, რეგისტრაცია დღეს, 16 აპრილს 16:00 საათიდან დაიწყო.

NCDC-ის განცხადებით,

  • ჯავშნის გასაკეთებლად მოქალაქეები უნდა ეწვიონ booking.moh.gov.ge ან დარეკონ ტელეფონის ნომერზე — 1522;
  • აუცილებელია, რომ მოქალაქეებმა ჯავაშანი გააკეთონ იმავე კლინიკაში, სადაც ჩაიტარენ პირველი აცრა. აუცილებელია, რომ ჯავშანი გააკეთონ პირველი აცრიდან 21-23-დღიან შუალედში და არ ჩაეწერონ 20-დღიან ინტერვალის გასვლამდე.

NCDC-ს აღნიშნავს, რომ მოქალაქეებმა უნდა შეინახონ ჯავშნის კოდი, ვინაიდან ის უახლოეს პერიოდში გამოადგებათ COVID-19-ის პასპოპორტის მობილური აპლიკაციის გასააქტიურებლად.

საქართველოში მედპერსონალის ვაქცინაცია AstraZeneca-ს ვაქცინით 15 მარტიდან დაიწყო, ხოლო ვაქცინაციის პროცესში 65 წელს ზევით მოქალაქეები 25 მარტიდან ჩაერთნენ. ვაქცინაციის პროცესში 2 აპრილიდან ჩართნენ 55 წლის ზევით ასაკის მოქალაქეებიც.

Pfizer-ის ვაქცინის 29 250 დოზა საქართველოში 25 მარტს გამთენიისას ჩამოიტანეს. ხოლო ჩინური ვაქცინა სინოფარმი ქვეყანამ 3 აპრილს მიიღო. გარდა ამისა, 8 აპრილს ექსპერტების საბჭომ სამინისტროს და დაავადებათა კონტროლის ცენტრის თანამშრომლებთან ერთად მიიღო გადაწყვეტილება, რომ AstraZeneca-ს ვაქცინით ვაქცინაციის პროგრამა მხოლოდ 55 წლის ზემოთ პირებისთვის გაგრძელდება.