ამერიკის შეერთებული შტატების პრეზიდენტმა, ბარაკ ობამამ 24 თებერვალს ხელი მოაწერა კანონს, რომელცი აშშ-ში მონური შრომით მოპოვებული და დამზადებული საქონლის იმპორტს კრძალავს.

აქამდე ამერიკის კანონმდებლობაში არსებობდა ხარვეზი, რომელიც საშუალებას იძლეოდა "ბაზრის გაზრდილი მოთხოვნის" შემთხვევაში ქვეყანაში ნებისმიერი ხერხით დამზადებული საქონელი შესულიყო.

Associated Press-მა გამოაქვეყნა მასალა, რომლის მიხედვითაც გაირკვა, რომ ტაილანდიდან აშშ-ში იმპორტირებული საზღვაო პროდუქები მონურ პირობებში მომუშავე ადამიანების მიერ იყო მოპოვებული და დამუშავებული. გემის ეკიპაჟები დამწყვდეულები ჰყავდათ და ძალდატანებით და ანაზღაურების გარეშე ამუშავებდნენ. სპეციალური ოპერაციის შედეგად 2 000-მდე დატყვევებული მეთევზე გაათავისუფლეს, ხოლო ტრეფიკინგის ქსელის უკან მდგარი დამნაშავეები დააკავეს და გემები ჩამოართვეს.

ახალი კანონის ფარგლებში აშშ-ში სამხრეთ-აღმოსავლეთ აზიიდან ზღვის პროდუქტების, აფრიკიდან ოქროს და ბანგლადეშიდან ტანსაცმლის იმპორტი იკრალება.