თბილისის მერი, კახა კალაძე აცხადებს დამატებითი გამოკვლევები ჩაიტარა და ორშაბათიდან, სრულფასოვნად დაუბრუნდება საქმიანობას დედაქალაქის მერიაში.

"დამატებითი კვლევები ჩავიტარე ყველა მიმართულებით და ძალიან ბედნიერი ვარ, რომ არაფერი არ არის, ყველანაირად კარგად ვარ. ორშაბათიდან უკვე სრულფასოვნად დავუბრუნდები ჩემ საქმიანობას და ერთად გავაკეთებთ ყველა იმ მნიშვნელოვან პროექტს, რომელიც სჭირდება დედაქალაქს", — განაცხადა კალაძემ.

კალაძის ჯანმრთელობის პრობლემების შესახებ ინფორმაცია 26 მარტს გავრცელდა. პროფესორის, ზურაბ ფაღავას განცხადებით მას ე.წ. ვესტიბულოპათია ჰქონდა. საბოლოოდ, დედაქალაქის მერს იშემიური გენეზის კოხლეო-ვესტიბულური დისფუნქცია დაუდგინდა. 4 აპრილს მან კლინიკა დატოვა. ცნობილია, რომ იგი გამოკვლევების ჩასატარებლად უცხოეთშიც იმყოფებოდა.