კულტურის მინისტრი, თეა წულუკიანი ქართული ოცნების დამფუძნებელს, ბიძინა ივანიშვილს "პოლიტიკურ მგლად" მიიჩნევს. მისი თქმით, ივანიშვილმა "სხვები მიაჩოჩა, მოაჩოჩა და სახელმწიფო ინტერესები გადაარჩინა". ამის შესახებ მან ტელეკომპანია იმედის ეთერში ისაუბრა.

"ქართულ პოლიტიკაში, მე ვფიქრობ, თუ დამოუკიდებლობის აღდგენის შემდგომ პერიოდს ავიღებთ, ცალსახად, შეიძლება ითქვას, რომ მგელი ნამდვილად იყო — თუმცა მას მელას უწოდებდნენ — შევარდნაძე. თუ უფრო აქეთ წამოვალთ, ვფიქრობ, რომ პოლიტიკური მგელი იმ გაგებით, რომ სხვები მიაჩოჩა, მოაჩოჩა, სახელმწიფო ინტერესი მაინც გადაარჩინა, სადაც დასჭირდა, ებრძოლა იბრძოლა, მერე დაიხია, კომპრომისი მოუწია და ასე შემდეგ. თუ ამას ვიგულისხმებთ მგელში, ჩემთვის ნამდვილად არის ბიძინა ივანიშვილი, რომლის გარეშეც ჩვენ ვერ გავიმარჯვებდით 2012 წელს", — თქვა მან.

11 იანვარს ბიძინა ივანიშვილმა წერილი გამოაქვეყნა და განაცხადა, რომ მან პოლიტიკიდან წასვლის გადაწყვეტილება მიიღო.