სალომე ზურაბიშვილი თვითიზოლაციაში გადადის. ამის მიზეზად პრემიერმინისტრ ღარიბაშვილთან კონტაქტი სახელდება, რომელსაც კორონავირუსი დაუდასტურდა. პრეზიდენტის ადმინისტრაციის განმარტებით, მიუხედავად იმისა, რომ ზურაბიშვილი Covid-19-ის საწინააღმდეგო ვაქცინის პირველი დოზით უკვე აცრილია, გადაწყვეტილება რისკების თავიდან აცილების მიზნით მიიღო.

ადმინისტრაციაში, ასევე, ამბობენ, რომ აღნიშნული პროცესის პარალელურად, პრეზიდენტი PCR ტესტს არსებული პროტოკოლის შესაბამისად იკეთებს.

დღეს, 6 აპრილს, ცნობილი გახდა, რომ ირაკლი ღარიბაშვილს კორონავირუსი დაუდასტურდა.