ლარი გამყარდა. ეროვნული ბანკის ახალი კურსის მიხედვით, 1 დოლარის ღირებულებამ 3,4173 ლარი შეადგინა, რაც 1,7 თეთრით გამყარებას ნიშნავს.

ლარი 3,1 თეთრით გამყარდა ევროს მიმართებითაც და 1 ევროს ღირებულება 4,0136 ლარს გაუტოლდა.

შეგახსნებთ, რომ ლარის კურსის დასტაბილურების მიზნით, საქართველოს ეროვნულმა ბანკმა მიმდინარე წელს ხუთი სავალუტო ინტერვენცია განახორციელა და ჯამურად 187,5 მლნ დოლარი გაყიდა.

სებ-ის მიერ დღეს დადგენილი გაცვლითი კურსი ხვალ, ექვს აპრილს შევა ძალაში.