ეს საოცარი ფრინველი მითიური არსება არ გეგონოთ — ეს ბატკანძერია, რომელიც ბორჯომ-ხარაგაულის ეროვნული პარკის რეინჯერებმა დაჭრილი იპოვეს, შემდეგ კი უმკურნალეს.

დაცული ტერიტორიების სააგენტოს ინფორმაციით, ადგილობრივი მოსახლეობის ჩართულობით, ფრინველი, საბედნიეროდ, უკვე გამოჯანმრთელებულია და რეინჯერებმა იგი უკან, ველურ ბუნებაში დააბრუნეს.

ულამაზესი გულმკერდით გამორჩეული მტაცებელი ფრინველი, შავარდნისებრთა ოჯახის წარმომადგენელია. ის ძირითადად ტყეებში, მთებსა და უდაბნოებში ბინადრობს. ბატკანძერი საქართველოს დაცულ ტერიტორიებზე, კერძოდ, ლაგოდეხში, თუშეთში, ფშავ-ხევსურეთში, ყაზბეგსა და ჯავახეთში გვხვდება. ზრდასრული ბატკანძერი 7 კილომდე იწონის. ფრინველის სიგრძე საშუალოდ 1,25 მეტრია, ფრთების შლილი კი 2,31 მეტრიდან 2,83 მეტრამდე მერყეობს.