დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, საქართველოში კორონავირუსის ე.წ ბრიტანული შტამის 72 შემთხვევა დაფიქსირდა.

"გამოვლენილი 71 შემთხვევიდან გარკვეული ნაწილი კლასტერებია. სხვათა შორის, ერთი საკმაოდ დიდი, 19-ადამიანი კლასტერი. დანარჩენი, საბედნიეროდ, ჯერ არც სამხრეთ აფრიკული შტამი, არც ბრაზილიური ქვეყანაში არ გამოვლენილა.

ჯერჯერობით, ისე ჩანს, რომ ფართო ცირკულაცია არ მიუღია ბრიტანულ შტამს, თუმცა, იმის გამო, რომ ძალიან ბევრ ქვეყანაში ის უკვე ფართოდ გავრცელდა, რა თქმა უნდა, ჩვენც მზად უნდა ვიყოთ", — განაცხადა იმნაძემ.

მისივე თქმით, მთავარი დაცვა პირბადე და სოციალური დისტანციაა.