ჩვილები ცვალებადი არსებები არიან. ერთი მომენტი ანგელოზივით სძინავთ, მაგრამ მეორე მომენტში პატარა დემონებივით ბორგავენ, ვეღარ ისვენებენ და ტირიან.

ასეთ დროს მშობლისთვის რთულია დაისვენოს, ან დაძინებაზე იფიქროს, აღარაფერს ვამბობთ თავისუფალ დროზე. ხშირ შემთხვევაში ახალ გაღვიძებულ ჩვილს თავზე დადგომა და კვლავ დაძინება სჭირდება. ერთი ორჯერ ეს პრობლემა არ არის, მაგრამ როდესაც ამას სისტემური სახე ეძლევა, სიტუაცია ბევრად რთულდება.

სწორედ ამ პრობლემის გადასაჭრელად შეიქმნა SNOO, ჩვილის ჭკვიანი ლოგინი. ბავშვის გაღვიძების და ტირილის შემთხვევაში, ის მოძრაობას იწყებს, ზუსტად ისე, როგორც მას თქვენ დაარწევდით. დიახ, ლოგინი მოძრაობას თავად იწყებს და სპეციალურ ხმასაც გამოსცემს, რაც ჩვილს ამშვიდებს და კვლავ აძინებს.

იმისთვის, რომ რწევისას ბავშვი არ შეწუხდეს, ლოგინს სპეციალური შესახვევი მასალაც მოყვება. ბავშვის ამ მასალაში უსაფრთხოდ გახვევა შეგიძლიათ და როგორც შემქმნელები ამბობენ, ჩვილებს ეს მხოლოდ სიამოვნებთ. ჩვილისთვის ეს განსაკუთრებულად მაშინ არის კომფორტული, როცა სძინავს.

მეტიც, ამ ინოვაციურ სარწეველაში ჭკვიანი ტექნოლოგიებია ჩაშენებული. რაც ნიშნავს, რომ ლოგინი ბავშვის განწყობას აკვირდება და რწევის დონესაც ამის მიხედვით განსაზღვრავს. იმ შემთხვევაში, თუ ბავშვი ტირილს მაინც არ შეწყვეტს, ტექნოლოგია ხვდება, რომ ჩვილს თქვენ სჭირდებით. შესაბამისად, ლოგინი რწევას და სპეციალური ხმების გამოცემას წყვეტს და საქმეს თქვენ გადმოგაბარებთ.

სტატისტიკას თუ დავეყრდნობით, ის გვეუბნება, რომ 6 თვემდე ბავშვების 60 პროცენტს ღამით კარგად ვერ სძინავს. აღარაფერს ვამბობთ მათ მშობლებზე, ამიტომ, მსგავსი ჭკვიანი სარწეველა ცუდი გადაწყვეტა ნამდვილად არ უნდა იყოს.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.