აშშ-ს ყოფილმა ელჩმა საქართველოში, იან კელიმ TV პირველთან ინტერვიუში თქვა, რომ ქართულ ოცნებას ვერ უწოდებს რუსეთის მოკავშირე პარტიას. მისი თქმით, ამ კუთხით განსხვავება მოქმედ და წინა ხელისუფლებას შორის ისაა, რომ ქართულ ოცნებას რუსეთთან ურთიერთობის მეტი დიპლომატიური არხის აქვს გახსნილი.

"მე სამი წლის განმავლობაში, ელჩის რანგში ვმუშაობდი მმართველ პარტიასთან და ამ გამოცდილებას ვეყრდნობი: ისინი ერთგულები არიან საქართველოს NATO-სა და ევროკავშირში გაწევრიანების. არსებობს განსხვავება მოქმედ და წინა მთავრობას შორის — ქართული ოცნების მთავრობას უფრო გახსნილი აქვს დიპლომატიური არხები დიალოგისთვის. მე ქართულ ოცნებას ვერ ვუწოდებდი რუსეთის მოკავშირე პარტიას. არ ვფიქრობ, რომ ამის მამტკიცებელი რაიმე საბუთი არსებობდეს [...]

[ქართული ოცნება] უფრო გახსნილია ვაჭრობისთვის, ტურიზმისთვის, დიალოგისთვის. ამის ერთ-ერთი შედეგია მეტი გახსნილობა რუსული გავლენებისადმი. ჩვენ დავინახეთ ეს. რაც შეეხება მხარდაჭერას ულტრამემარჯვენე ჯგუფებისადმი, ანტი-NATO ვებსაიტებისა და მედია პლატფორმებისთვის ... ეს უფრო მეტად არის გვერდითი ეფექტი და არა პირდაპირი გზა რუსული გავლენებისკენ", — განაცხადა იან კელიმ.

ამავე ინტერვიუში, კელიმ აღნიშნა ისიც, რომ ქართულ ოცნებასა და ოპოზიციას შორის შეთანხმების მისაღწევად მნიშვნელოვანია ნაციონალური მოძრაობის თავმჯდომარე, ნიკა მელია გათავისუფლდეს.

იან კელი იყო აშშ-ს ელჩი საქართველოში 2015-2018 წლებში.

გაიგეთ მეტი: