ამერიკის სახელმწიფო მდივანი, ენტონი ბლინკენი NATO-ს წევრ სახელმწიფოებს "აგრესიული და მოძალადე" ჩინეთის წინააღმდეგობაში დახმარებისკენ მოუწოდებს.

ენტონი ბლინკენმა მოკავშირეებს განუცხადა, რომ ამერიკა არ დააყენებს მათ "ჩვენ ან ისინი" დილემის წინაშე, თუმცა "ჩინეთის აგრესიული" საქციელის წინააღმდეგ მოქმედებებისკენ მოუწოდებს. მან ამერიკის მხარდაჭერა კიდევ ერთხელ დაუდასტურა თავის მოკავშირეებს.

ბლინკენმა ასევე კიდევ ერთხელ გამოუცხადა მხარდაჭერა NATO-ს. მან განაცხადა, რომ ამერიკა სრულად ერთგულია როგორც ორგანიზაციის, ისევე მეხუთე მუხლის, რომელიც ორმხრივ თავდაცვას უზრუნველყოფს.