რიკი და მორტის გულშემატკივრებისთვის Hulu-ს სასიამოვნო სიახლე აქვს: მალე პლატფორმაზე ახალ ანიმაციურ სერიალს Koala Man-ს ვიხილავთ, რომლის ერთ-ერთი პროდიუსერი რიკი და მორტის თანაშემქმნელი ჯასტინ როილენდია. Koala Man-ზე მაიკლ კუსეკი მუშაობს, რომელიც, ამავდროულად, მთავარ გმირსაც გაახმოვანებს.

ანიმაციური სერიალი ოჯახის მამაზე მოგვითხრობს, რომელიც კრიმინალის აღკვეთისა და საზოგადოებაში წესრიგის დამყარებისთვის იბრძვის. Koala Man 8 ეპიზოდისგან შემდგარი ანიმაციური სერიალი იქნება.

Koala Man Hulu-ს ზრდასრულებისთვის შექმნილი ანიმაციური სერიალების სიას შეემატება. ამ სიაშია სერიალები Solar Opposites, Crossing Swords, აგრეთვე, მარველის M.O.D.O.K. და Hit Monkey, რომელთაც მაყურებლები მალე იხილავენ.

სერიალის გამოსვლის თარიღი ჯერჯერობით უცნობია, ამიტომ რიკი და მორტისა და სხვა ანიმაციური სერიალების მოყვარულებს მხოლოდ ლოდინიღა დაგვრჩენია.

ამავე თემაზე: