ევროპული საქართველოს ლიდერი, დავით ბაქრაძე ამბობს, რომ ევროპული საბჭოს პრეზიდენტის წარმომადგენელთან, კრისტიან დანიელსონთან დღევანდელ შეხვედრას არ დაესწრება და აღნიშნავს, რომ პარტიიდან "ფაქტობრივად, წამოსულია".

როგორც ბაქრაძე განმარტავს, მოლაპარაკებების შემადგენლობას ევროპული მხარე განმარტავს და მათი გადაწყვეტილებით, დღევანდელ შეხვედრაზე ყველა პარტიის ერთი წარმომადგენელი იქნება.

"ამ მოთხოვნიდან გამომდინარე, არ მიმაჩნია სწორად, ასეთ მომენტში წარმოვადგენდე პარტია ევროპულ საქართველოს, რომლის დატოვების შესახებ გადაწყვეტილება ერთი თვის წინ ვაცნობე საზოგადოებას. მიუხედავად იმისა, რომ პარტიის წევრთა თხოვნით, პარტიის აპრილის ყრილობამდე ჯერ კიდევ ვითავსებ პარტიის თავმჯდომარის თანამდებობას, პარტიიდან ფაქტობრივად უკვე წამოსული ვარ და აღარ ვერევი პარტიული პოზიციების შემუშავებასა და გახმოვანებაში", — აცხადებ ბაქრაძე.

პარტიის სახელით კი მოლაპარაკებებში მონაწილეობს გიგა ბოკერია მიიღებს, რომელიც აპირებს ევროპული საქართველოს ლიდერად დარჩენას.

თებერვალში პარტიის ორმა ლიდერმა, თავმდჯომარე დავით ბაქრაძემ და გენერალურმა მდივანმა, გიგი უგულავამ განაცხადეს, რომ მომდევნო ყრილობაზე თანამდებობაზე კენჭს აღარ იყრიან. მათგან განსხვავებით, აღნიშნულ გადაწყვეტილებას არ ეთანხმება გიგა ბოკერია.

ევროპულ საქართველოში დაგეგმილი სტრუქტურული ცვლილებების შესახებ ინფორმაცია On.ge-მ 9 თებერვალს გაავრცელა. პარტიაში არ ადასტურებდნენ, რომ შესაძლოა, დავით ბაქრაძემ ევროპული საქართველო დატოვოს. თუმცა, ისინი ადასტურებდნენ, რომ 2020 წლის საპარლამენტო არჩევნების შემდეგ პარტიაში ცვლილებებზე დაიწყეს საუბარი.