"ტაქსიდან დამირეკე", "თუ რამეა, 112 აკრეფილი გქონდეს", "სახლში რომ მიხვალ მომწერე" — ეს ფრაზები იმ გოგოების ყოველდღიურობაა, რომლებიც ღამით მარტოებს უწევთ სახლში დაბრუნება. ხშირად ის შიშები, რომლებიც გოგოებს გვიჩნდება, ბიჭებისთვის გაუგებარია, რადგან მათთვის უცნობია ის საფრთხეები, რომლების თავიდან არიდებასაც ბავშვობიდან გვასწავლიან.

პრობლემიდან გამოსავალი ის იქნებოდა, ბიჭებისთვის რომ ესწავლებინათ, გოგოებისთვის საფრთხე არ შეექმნათ. თუმცა, რადგან დღევანდელ სამყაროში ეს გამოწვევები ქალებისთვის არსებობს, გაგიზიარებთ 6 აპლიკაციას, რომელიც თავს უფრო უსაფრთხოდ გაგრძნობინებთ.

1. Life360

iOS, Android

საშუალებას გაძლევთ შექმნათ სანდო კონტაქტების სია და შეამოწმოთ თქვენი მეგობრების ადგილმდებარეობა, გააგზავნოთ და მიიღოთ გამაფრთხილებელი შეტყობინებები.

2. Red Panic Button

iOS, Android

წითელი პანიკის ღილაკზე დაჭერით თქვენს სანდო კონტაქტებს დაუყოვნებლივ გაუგზავნით შეტყობინებას, რომელსაც თან ახლავს გამაფრთხილებელი ტექსტი და Google Map-იდან გაზიარებული კოორდინატები. ამასთანავე აპლიკაცია საშუალებას იძლევა დაასინქრონოთ Twitter-ის ანგარიშზე და მსგავსი შეტყობინება ავტომატურად გამოქვეყნდება.

3. Safetipin

iOS, Android

არის რუკაზე დაფუძნებული უფასო უსაფრთხოების აპლიკაცია, რომელიც საშუალებას აძლევს მომხმარებლებს დაადგინონ უსაფრთხო ადგილები თავიანთ სამეზობლოში, ქალაქში. მგონია, რომ უცხო ქვეყანაში მოგზაურობისთვის ყველაზე საჭირო აპლიკაციაა.

4. MSMR woman safety

iOS, Android

აპლიკაცია გთავაზობთ ვიდეოებს თუ როგორ უნდა დაიცვათ თავი ფიზიკურად, გირჩევთ პროდუქტებს, რომლებიც აუცილებლად უნდა ვატაროთ (წიწაკის სპრეი და ა.შ.) ასევე, გაძლევთ ყოფით რჩევებს თუ როგორ უნდა მოვიქცეთ უცხო უბანში ბანკომატის გამოყენებას.

5. 112 Georgia

iOS, Android

აპლიკაციას აქვს ისეთი ფუნქციები, როგორიცაა ჩუმი განგაშის გაგზავნა 112-ში (SOS) და ოპერატორთან მიმოწერა (ჩატი).

6. Safe You

iOS, Android

SAFE YOU ქართული აპლიკაციაა, რომელიც ქალებს ძალადობისგან იცავს. აპლიკაციას გააჩნია ე.წ. SOS ღილაკი, რომელზე ერთი დაჭერითაც განგაშის უფასო სიგნალი ერთდროულად იგზავნება წინასწარ შეყვანილ სანდო საკონტაქტო პირებთან, სპეციალიზირებულ ქალთა ორგანიზაციებთან და, სურვლისამებრ, პოლიციასთანაც. აპლიკაციას ასევე შეუძლია ხმის აუდიო ჩაწერა, შენახვა და გადაგზავნა, რაც იმას ნიშნავს, რომ ძალადობის მსხვერპლს ექნება დასტური იმისა, თუ რა ფორმით განხორციელდა მასზე ძალადობა.

ბონუსი: SOS

ეს აპლიკაცია არ არის, მაგრამ მათ ვისაც აიფონები გაქვთ Lock Screen-ზე ორჯერ ჩაჭერით ავტომატურად გამოხტება SOS ღილაკი, რომლითაც 112 უკავშირდებით.