ხურჩაში განვითარებული მოვლენები, საკანონმდებლო საქმიანობა, მომავალი სასესიო კვირის დღის წესრიგი და პარლამენტში შესული კანონპროექტები - ეს ის საკითხებია, რაზეც დღეს იმ შეხვედრაზე მსჯელობენ, რომელიც ფრაქცია ქართული ოცნების წევრებსა და გიორგი კვირიკაშვილს, როგორც ფრაქციის თავჯდომარეს შორის პირველად იმართება.

დღევანდელი შეხვედრის განსახილველ საკითხად ფრაქციის პოლიტსაბჭოს ახალი წევრის, დავით კოღუაშვილის განცხადება, რომელშიც მან აღნიშნა, რომ გიგი უგულავას გაცილებით მეტი სიკეთის მოტანა შეუძლია ქვეყანისთვის გარეთ, ვიდრე საკანში, არ დგას. თუმცა, ქართული ოცნების წევრები მაინც აპირებენ ამ საკითხის წამოჭრას.

ფრაქციის წევრი, ნუკრი ქანთარია კოღუაშვილის განცხადებას აბსოლუტურად შეუფერებელს უწოდებს და განმარტავს, რომ ქართული ოცნება სწორედ ნაციონალური რეჟიმის მოწინააღმდეგეებით შეიქმნა:

"ჩვენი მხარდამჭერებიც არიან სწორედ იმ რეჟიმის მოწინააღმდეგეები. ასეთი ფრაზა არ უნდა დასცდენოდა ადამიანს, რომელიც ახლა შემოვიდა [პოლიტსაბჭოში] და გარკვეული იმედები გვქონდა მასთან დაკავშირებით. ამასთან, შეფასებები უნდა გაკეთდეს".

დავით კოღუაშვილმა ქართულ გაზეთთან მიცემულ ინტერვიუში განაცხადა, რომ მას არ ჰგონია, გიგი უგულავა კიდევ დიდხანს დარჩეს ციხეში და მიაჩნია, რომ თბილისის ყოფილ მერს ქვეყნისთვის გაცილებით მეტი სიკეთის მოუტანა შეუძლია გარეთ, ვიდრე საკანში.