შინაგან საქმეთა მინისტრის, ვახტანგ გომელაურის განცხადებით, გორის რაიონში 13 წლის ბავშვზე სექსუალური ძალადობის ამბავი არამხოლოდ შინაგან საქმეთა სამინისტროს, არამედ საზოგადოების პრობლემასაც წარმოადგენს.

"ეს, რა თქმა უნდა, უმძიმესი თემაა. ეს არ არის მარტო შინაგან საქმეთა სამინისტროს თემა. რატომღაც ყველა იძახის, რომ სად იყო შინაგან საქმეთა სამინისტრო, სად იყო პოლიცია? მე არ ვირიდებ თემას, ყველა საზოგადოების არამარტო იგივე განათლება იქნება, თუ სხვა სამინისტრო, ყველა ჩვენი, თქვენი, ჩემი ბრალიც არის, ყველას ბრალია ეს. რომ არა საავადმყოფოდან შემოსული ინფორმაცია ვერ გავიგებდით იმას, რაც მოხდა. ისე გავიდა ეს თვეები, არავის არაფერი არ უთქვამს. ეს საზოგადოების პრობლემაა, ეს არ არის მარტო შინაგან საქმეთა სამინისტროს პრობლემა", — განაცხადა პარლამენტში.

გორის რაიონის ერთ-ერთ სოფელში 12 წლის გოგოზე კაცმა სექსუალურად იძალადა, რის შედეგადაც მოზარდი დაორსულდა და იმშობიარა. როგორც On.ge-ს შინაგან საქმეთა სამინისტროში განუცხადეს, ბრალდებული თებერვალში დააკავეს.