ლელო საქართველოსვის ერთ-ერთი ლიდერის, მამუკა ხაზარაძის განცხადებით, შარლ მიშელთან შეხვედრისას მისი კონკრეტული შეთავაზება პროცესის მედიაციიდან კონკრეტულ მოდერატორობაში გადასვლა იყო, რათა დიალოგი უფრო აქტიურ ფაზაში გადავიდეს.

"ჩვენ ავუხსენით შქმნილი სიტუაცია, თვითონაც ინფორმირებული იყო. ბუნებრივია, მადლობა გადავუხადეთ იმ მხარდაჭერისთვის, რასაც ბატონი შარლი და ევროკავშირი საქართველოს უწევს. ჩემი კონკრეტული შეთავაზება იყო, რომ პროცესი მედიაციიდან უნდა გადავიდეს კონკრეტულ მოდერატორობაში, რომ უფრო აქტიურ ფაზაში გადავიდეს ეს დიალოგი. ოპოზიციას არასდროს უარი არ უთქვამს დიალოგზე. ვუთხარით, რომ ქვეყანა არის პოლიტიკურ კრიზისში, ეკონომიკურ კრიზისში, პანდემიურ კრიზისში, ქვეყანა არის გაყოფილი ორად, საზოგადოება არის დაპირისპირებული, ამიტომ ერთადერთი გამოსავალი, რომ მოვალაში ვიაროთ და სახელმწიფოს მშენებლობა გავაგრძელოთ, არის რიგგარეშე არჩევნები", — განაცხადა ხაზარაძემ.

ევროპული საბჭოს პრეზიდენტი, შარლ მიშელი საქართველოში გუშინ ჩამოვიდა და დღეს, დილიდან ოფიციალურ შეხვედრებს მართავს. იგი უკვე შეხვდა საქართველოს პრეზიდენტს, სალომე ზურაბიშვილს და იმყოფებოდა საოკუპაციო ხაზთან.

გაიგეთ მეტი: