დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, "ჩვეულ რეჟიმში მუშაობს". ამის შესახებ მან On.ge-ს განუცხადა და მისი თანამდებობიდან გადაყენების შესახებ გავრცელებულ ინფორმაციას გამოეხმაურა.

დღეს სტრატეგია აღმაშენებლის ერთ-ერთმა ლიდერმა, სერგო ჩიხლაძემ განაცხადა, რომ ამირან გამყრელიძის პენსიაზე გაშვების საკითხი განიხილება.

"ბევრი მისი მიდგომა არის მოძველებული, იგივე შეზღუდვებთან დაკავშირებით, სააკორდინაციო საბჭოში მისი საქმიანობა, ასევე, არაერთი საეჭვო შესყიდვა, მათ შორის, დაავადებათა კონტროლის ცენტრის მიერ", — განაცხადა მან.

მისი თქმით, ზუსტად არ იცის გადაწყვეტილება უკვე მიღებულია თუ არა, მაგრამ ამის შესახებ ინფორმაცია, დაახლოებით, 1 კვირაა აქვთ.