ქართული ოცნების წევრის, დიმიტრი ხუნდაძის შეფასებით, სჯობდა, რომ ნაციონალური მოძრაობის ლიდერი, ნიკა მელია პოლიციას ჩაჰბარებოდა, თუმცა მან ეს არ ისურვა. ამის შესახებ მან პარლამენტში ჟურნალისტებს განუცხადა.

"ეს იყო მათი დესტრუქციული გეგმის ნაწილი, რომ უნდა შემდგარიყო აურზაური, რომელიც არ შედგა [...] დეტსაბილიზაციის ხიფათი უფრო იყო აქამდე, ვიდრე ამის შემდეგ იქნება", — განაცხადა ხუნდაძე.

ხუნდაძემ ამასთან მალდობა გადაუხადა შინაგან საქმეთა სამინისტროს იმისთვის, რომ სპეცოპერაციამ სერიოზული დაზიანებების გარეშე დასრულდა.

ნიკა მელია სპეცრაზმმა ოფისში დააკავა. სამართალდამცავები პარტიის ოფისში გამთენიისას გამოჩნდნენ. რამდენიმე საათში მას შემდეგ, რაც ირაკლი ღარიბაშვილი პრემიერმინისტრად აირჩიეს.

სპეცრაზმებელი შენობაში შევიდნენ როგორც სახურავიდან, ისე პირველ სართულზე არსებული შესასვლელებიდან. მათ პირველი სართული გაათავისუფლეს და მოგვიანებით მელიას ოთახს მიადგნენ, სადაც ის ოპოზიციის სხვა ლიდერებთან და მხარდამჭერებთან ერთად იყო გამაგრებული.

პოლიციამ ის კარების გაღება მოახერხა და იქ მყოფი პირების წინააღმდეგ ცრემლსადენი გაზი გამოიყენა. მალევე კი ნიკა მელიაც დააკავეს.