ერთიანი ნაციონალური მოძრაობა 10 თებერვალს, 13:30 საათზე რუსთაველის მეტროსთან აქციას გამართავს. ამის შესახებ დღეს გამართულ ბრიფინგზე ნიკა მელიამ განაცხადა.

მელიას თქმით, პარტიას აქვს ინფორმაცია, რომ უზენაესი სასამართლო ხელისუფლების ზეწოლით აპირებს, 10-15 თებერვალს, რუსთავი 2-ს საქმესთან დაკავშირებით განაჩენის გამოტანას. მისივე განცხადებით, აქცია სასამართლოს გადაწყვეტილების მიღებაში ჩარევის გასაპროტესტებლად გაიმართება:

"რუსთაველის მეტროსთან შეკრების შემდეგ, მოეწყობა მსვლელობა უზენაესი სასამართლოს მიმართულებით და სასამართლო გადაწყვეტილებაში ივანიშვილის უხეშ ჩარევას გავაპროტესტებთ. ასევე, სოლიდარობას გამოვუცხადებთ ყველა იმ პატიოსან მოსამართლეს, რომელიც ჯერ კიდევ შემორჩა სასამართლოში."