განათლების მინისტრის ალექსანდრე ჯეჯელავას თქმით, სკოლებში მოსწავლეთა ნაკადი იმატებს, რაც დემოგრაფიული მაჩვენებლის გაუმჯობესებაზე მიუთითებს.

მისი თქმით, ეს ერთ-ერთი მიზეზია იმის, რომ სასკოლო საათები გაიზრდება:

"1997 წლიდან ცოტავდება ბავშვების რაოდენობა სკოლაში და 2012 წელი იყო პირველი, როცა პირველად დაფიქსირდა ჯამში მოსწავლეების რაოდენობის ზრდა სკოლებში. ამიტომ, ნაკლები მოსწავლე ამთავრებს სკოლას და მეტი შემოდის. ეს იწვევს მასწავლებლის დატვირთვის ზრდას. რაც მეტი კლასია, მით მეტი საათია. სადაც აკლიათ საათები, იქ ეს საათები გაიზრდება. ყველა სკოლას წელს 4-5 საათი ემატება კვირაში. ეს განაწილდება სხვადასხვა სკოლებში. შესაბამისად, ველოდებით, რომ ამ მიმართულებით ვისაც შევსება დატვირთვა საათობრივი, იმათ ანაზღაურება გაეზრდებათ. როცა მასწავლებელს აქვს 800 ლარი ხელფასი, მას აქვს სრული, 18 საათი, დატვირთვა კვირის განმავლობაში, იმისთვის, რომ სრული განაკვეთი დაერქვას".

ჯეჯელავამ ჟურნალისტებთან საუბრისას იმ ალტერნატიულ გზებზეც ისაუბრა, რომელსაც მასწავლებლები საგნის გამოცდის ჩაბარებისას გაივლიან.