ალექსანდრე ჯეჯელავა აცხადებს, რომ განათლების რეფორმა ყველა მიმართულებით მიდის. დღეს მან ჟურნალისტებთან საუბრისას იმ ალტერნატიულ გზებზე ისაუბრა, რომელსაც მასწავლებლები საგნის გამოცდის ჩაბარებისას გაივლიან:

„მასწავლებლის სქემა და რაოდენობები ერთ-ერთია და დამტკიცებულია ეს სქემა უკვე. გაჩნდა 3 ალტერნატიული ტრაექტორია. ეს ეხება საგნის გამოცდაში პედაგოგიური უნარების გამოცდას ვაბარებ, ტრეინინგს გავდივარ საგანში თუ ისევ შიდა დაკვირვებას გავდივარ და ისე გადავლახე“.

მინისტრის თქმით, სავალდებულო მოთხოვნაა 19 ქულის დაგროვება, თუმცა ამჯერად მასწავლებლებს 3 სხვადასხვა გზით შეუძლიათ ამ ქულის მოპოვება:

„პედაგოგებმა როცა ეს ნახეს, თქვეს, რომ ჩვენ გვეგონა ადვილი გახდებოდა და სულაც არაა გაადვილებულიო. ჩვენ არაფრის გაადვილებას არ ვაპირებთ. თქვენგანაც მიმიღია ეს კრიტიკა, რომ ადვილი გახდება და ყველა გადალახავს ბარიერს და ყველა ჩააბარებს ამ გამოცდას.

ადვილი არაა, თუმცა ალტერნატივებია, შეუძლია 1 გზა აირჩიოს, მეორე ან მესამე. ჩვენ ვვარაუდობთ, რომ წელს, 2017-ში, უფროსი მასწავლებელი გახდება დამატებით სადღაც 4,000 – 4,500 მასწავლებელი. სადღაც 16,000 უკვე არის და ეს რიცხვი გაიზრდება 20,000-მდე. ანუ ერთი მესამედი ჩვენი პედაგოგების უკვე იქნება უფროსი მასწავლებელი“.