ლელოს ერთ-ერთი ლიდერის, საბა ბუაძის განცხადებით, გირჩის ლიდერებს დიდი ხანია არასერიოზულ ადამიანებად მიიჩნევენ, ამიტომ სუფთა ჰაერზე გასვლა ამჯობინეს.

"მათ დიდი ხანია ჩვენ მივიჩნევთ არასერიოზულ ადამიანებად, შესაბამისად ამაზე დროის კარგვა არავის არ სჭირდება, ამიტომაც სუფთა ჰაერზე გასვლა ცხადია, რომ ვამჯობინეთ", — განაცხადა ბუაძემ.

გირჩის ერთ-ერთი ლიდერის, ვახტანგ მეგრელიშვილის განცხადებით, ლეიბორისტული პარტიის ოფისში გამართულ ოპოზიციის შეხვედრის ნაადრევად დატოვების მიზეზი ის იყო, რომ მათ კითხვები დასვეს, იქ მყოფები კი ნაცვლად იმისა, რომ კითხვებზე ეპასუხათ, გავიდნენ და სიგარეტის მოწევა დაიწყეს.