პარტია ლელოს თავმჯდომარე, მამუკა ხაზარაძე ამბობს, რომ რესპუბლიკური პარტიის თავმჯდომარის, ხათუნა სამნიძის განცხადებას უბარიერო საარჩევნო სისტემის კენჭისყრაში მონაწილეობასთან დაკავშირებით, მხარს არ დაუჭერს.

"ჩემი და ლელოს პოზიცია არის, რომ ერთჯერადად შესვლა [პარლამენტში] არაფრის მომტანი არ არის. ჩვენ ამას მხარს არ დავუჭერთ, მიუხედავად იმისა, რომ კოლეგების აზრს პატივს ვცემთ. გაუგებარია, ერთი მხრივ იყო ბოიკოტში და მეორე მხრივ შეხვიდე რამდენიმე დღით პარლამენტში. ეს ნიშნავს, რომ ხვალ შეიძლება კიდევ რაღაცისთვის დაგიძახონ", — განაცხადა მამუკა ხაზარაძემ ფორმულას ეთერში.

დღეს, 10 თებერვალს, ხათუნა სამნიძემ განაცხადა, რომ თუ უბარიერო პროპორციული არჩევნების კანონპროექტი დარეგისტრირდება, მზადაა, კენჭისყრაში მონაწილეობის მისაღებად საპარლამენტო მანდატი გამოიყენოს.

გაიგეთ მეტი: