ოქროს გლობუსის, ემისა და მსახიობთა გილდიის ჯილდოს მფლობელი მსახიობი სარა პოლსონი ფილმში Lost Girls სერიული მკვლელის როლს შეასრულებს.

დოკუმენტალისტი რეჟისორი ლიზ გარბუსი პირველად მოსინჯავს საკუთარ ძალებს მხატვრულ ფილმში და მაიკლს უარვაის რომანის მიხედვით ფილმს გადაიღებს ლონგ აილენდში გაუჩინარებული გოგონების შესახებ.

სარა პოლსონი დღეს ჰოლივუდში ერთ-ერთი ყველაზე მოთხოვნადი მსახიობია. ამჯერად ის მონაწილეობას იღებს რაიან მერფის ახალ სერიალში, სადაც მისი პარტნიორები შერონ სტოუნი და სინტია ნიქსონი არიან.

გარდა ამისა, ემზადება ორ სხვა სერიალში - ამერიკის საშინელებათა ისტორია და ამერიკის კრიმინალური ისტორია მონაწილეობის მისაღებად.

ტელევიზიაში ასეთი გადატვირთული გრაფიკის მიუხედავად, სარა არც კინოროლების ნაკლებობას უჩივის. სულ მალე მისი მონაწილეობით გამოვა ჯონ კროულიმ ახალ ფილმი The Goldfinch, რომელშიც მთავარ როლს ოსკარის მფლობელი ნიკოლ კიდმანი ასრულებს.