ბათუმში შაჰინის სახელობის მეგობრობის სკოლა-ლიცეუმს ავტორიზაცია გაუუქმდა. ავტორიზაციის გაუქმების შემდეგ სკოლას უფლება აღარ აქვს იფუნქციონიროს. ზოგადსაგანმანათლებლო დაწესებულებების ავტორიზაციის საბჭოს სხდომა 3 თებერვალს გაიმართა.

ავტორიზაციის გაუქმების მიზეზად საქართველოს განათლების ხარისხის განვითარების ეროვნული ცენტრის საზოგადოებასთან ურთიერთობის სამსახურის უფროსმა, დავით კობახიძემ სკოლაში აღმოჩენილი დარღვევა დაასახელა.

„ამ სკოლას სხვა სკოლებთან ერთად ჩატარდა გეგმური მონიტორინგი და სკოლას აღმოაჩნდა მოსწავლეების ჩარიცხვასთან დაკავშირებული პრობლემები,“ - უთხრა კობახიძემ On.ge-ს.

მისი თქმით, სკოლაში აღმოჩენილ დარღვევასთან დაკავშირებით აკრედიტაციის საბჭოს სხდომის ოქმი ეწერება, რომელიც 10 დღეში გამოქვეყნდება.