დაავადებათა კონტროლის ეროვნული ცენტრის (NCDC) ხელმძღვანელის, ამირან გამყრელიძის თქმით, თუ მოსახლეობის 60% კორონავირუსზე აიცრება, ქვეყანაში სერიოზული იმუნური ფენა შეიქმნება და კოვიდი დამარცხდება.

"ჩვენი სამიზნე არის, რომ ავცრათ მოზრდილი მოსახლეობა და მოზრდილი მოსახლეობა 2,8 მილიონია ქვეყანაში. მისი 60% ეს არის, დაახლოებით, 1 700 000 ადამიანი. თუ ჩვენ მოსახლეობის 60%-ს ავცრით, დარწმუნებული იყავით, რომ ქვეყანაში სერიოზული იმუნური ფენა შეიქმნება და კოვიდი დამარცხდება", — განაცხადა ამირან გამყრელიძემ.

მან, ასევე, თქვა, რომ შემდეგი ვაქცინა, რომელიც საქართველოში შემოვა AstraZeneca იქნება. რაც შეეხება რუსულ ვაქცინას, გამყრელიძის თქმით, ამ ეტაპზე ის არ განიხილება, რადგან რუსულ ვაქცინას ჯანმრთელობის მსოფლიო ორგანიზაციისა და სხვა მარეგულირებლების ავტორიზაცია არ აქვს.