გირჩის ერთ-ერტი ლიდერის, ვახტანგ მეგრელიშვილის თქმით, პარლამენტში რომ შევიდეს, "ქოცი" გახდება. ამის შესახებ მან POSTV-ის ეთერში განაცხადა.

"რევოლუცია გვინდოდა. ანუ, ისეთ სურათში, რა სურათიც ჩამოყალიბდა, რომ ვხედავთ, აი, მოლაპარაკებებს აზრი აღარ აქვს, იმიტომ, რომ ხალხს იქ არ უნდა მოლაპარაკება, თორემ მოლაპარაკებების უთვალავი შესაძლებელია... მე მინდა მაშინ [რევოლუცია]. თუ რჩება ერთპარტიული ხელისუფლება, ან რაღაცნაირად უნდა ჩავეშვათ ისეთ ჭაობში, რომელშიც არ მინდა ცხოვრება, ან... იქ [პარლამენტში] რომ შევიდე, მე ხომ ქოცი გავხდები ჩვეულებრივი, ჩემს თვალში ბანძი ვიქნები, რა, იმიტომ, რომ ის პარლამენტი არ არის", — განმარტა მეგრელიშვილმა.

გარდა ამისა, მან დაასტურა, რომ როცა სხვა ოპოზიციონერებმა ბოიკოტის გადაწყვეტილება მიიღეს, მასთან კონსულტაცია არავის გაუვლია:

"რაღაც ისტერიული მდგომარეობა იყო, ემოციური და შენ თუ ამას არ შეუერთდები და თუ დაფიქრდი უკვე მოღალატე ხარ. შეიძლება მე მაშინ არ ვიყავი იმ ფორმაში, რა ფორმაშიც დღეს ვარ".

როგორც მეგრელიშვილი ამბობს, მას, იაგო ხვიჩიასა და სანდრო რაქვიაშვილს მაშინ დაფიქრების საშუალება რომ ჰქონოდათ, ალბათ, განსხვავებულად მოიქცეოდნენ.