საქართველოს განათლების მინისტრის, მიხეილ ჩხენკელის განცხადებით, უნივერსიტეტებში, პროფესიულ სასწავლებლებსა და საბავშვო ბაღებში მოქმედი რეგულაციები პირველ მარტამდე ნარჩუნდება.

"15 თებერვალს კიდევ მოხდება ეპიდსიტუაციის შეფასება და 7 დღის მაჩვენებელი, თუ 4%-მდე დაიწევს, შემდგომი შემსუბუქებების განხილვა მოხდება", — განაცხადა ჩხენკელმა.

კორონავირუსის შემთხვევების მატების გამო, საგანმანათლებლო დაწესებულებებში სწავლა დისტანციურ რეჟიმში მიმდინარეობს.

ჩხენკელმა დღეს, 22 იანვარს განაცხადა, რომ პირველი თებერვლიდან მთელი ქვეყნის მასშტაბით, თბილისის, ქუთაისისა და რუსთავის გარდა, მოსწავლეები სასწავლო პროცესს სკოლებში გააგრძელებენ. ხოლო თბილისში, რუსთავსა და ქუთაისში სასწავლო პროცესი საკლასო ოთახებში პირველი მარტიდან გაგრძელდება. თუმცა, მისივე თქმით, ეს ეპიდსიტუაციაზე იქნება დამოკიდებული.

გაიგეთ მეტი: