რა შეზღუდვები რჩება ძალაში და რა იხსნება

საკოორდინაციო საბჭომ ე.წ. წერტილოვანი შეზღუდვების ნაწილის მოხსნა გადაწყვიტა, თუმცა უმეტესობა დატოვა. შეზღუდვების სხვადასხვა ქალაქში სხვადასხვა დროს და განსხვავებული პირობებით იხსნება.

ნახეთ რა შეზღუდვა იხსნება და რა რჩება ძალაში:

პირველი თებერვლიდან ბათუმში, ზუგდიდში, გორში, ფოთსა და თელავში აღდგება სკოლების, მუნიციპალური ტრანსპორტის, მაღაზიების და სავაჭრო ობიექტების მუშაობა. თუმცა, მხოლოდ სამუშაო დღეებში, რაც იმას ნიშნავს, რომ ამ ქალაქებში შაბათ-კვირას, მთელი თებერვლის განმავლობაში, არ იფუნქციონირებს მუნიციპალური ტრანსპორტი, რესტორნები, კვების ობიექტები და მაღაზიები იმუშავებენ ისევ დისტანციურად;
თბილისში, ქუთაისსა და რუსთავში პირველი თებერვლიდან განაახლებენ მუშაობას მაღაზიები და სავაჭრო ცენტრები, თუმცა ამ შემთხვევაშიც მხოლოდ სამუშაო დღეებში. ამ ქალაქებში სკოლებისა და მუნიციპალური ტრანსპორტის აღდგენა დაგეგმილია პირველი მარტიდან;
ყველა ქალაქში ღია და დახურული ბაზრები გაიხსნება 15 თებერვლიდან;
აჭარაში პირველი თებერვლიდან დაგეგმილია კვების ობიექტების გარე სივრცეების გახსნა, ამ შემთხვევაშიც სამუშაო დღეებში. აკრძალული რჩება ქორწილები და სხვა დიდი სარიტუალო ღონისძიებები;
სხვა რეგიონებში კვების ობიექტები მუშაობას გააგრძელებენ გატანის სერვისზე;
საბავშვო ბაღების მუშაობის აღდგენა, პროფსასწავლებლებისა და უმაღლესი სასწავლებლების სტუდენტების დაბრუნება დაგეგმილია პირველი მარტიდან;
პირველ მარტამდე ძალაში დარჩება გადაადგილების შეზღუდვა 21:00 საათიდან დილის 05:00 საათამდე;
1-ელი თებერვლიდან რეგულარულ ფრენებზე შეზღუდვები იხსნება;
ძალაში რჩება სათხილამურო კურორტებზე დაწესებული შეზღუდვები;
შეზღუდული იქნება საქალაქთაშორისო ტრანსპორტის გადაადგილება;
ძალაში რჩება პირბადის ტარების წესი.

ცქიტიშვილის განცხადებით, შემსუბუქების პარალელურად მნიშვნელოვანია ვირუსის ინტენსიური გავრცელების პრევენცია მოხდეს, ამიტომ თითოეული დარგისთვის ტესტირების პროტოკოლები დაადგინეს.

ყველა ტიპის სავაჭრო ობიექტი 30-ზე მეტი თანამშრომლით, მათ შორის ბაზრობები, ვალდებული იქნებიან 2 კვირაში ერთხელ უზრუნველყონ თანამშრომლთა არანაკლებ 20%-ის ტესტირება. კვების ობიექტებისთვის ეს პირობა არის 2 კვირაში ერთხელ არანაკლებ 50%-ის ტესტირება;
სკოლების გახსნის პარალელურად სახელმწიფო უზრუნველყოფს მასწავლებლების ტესტირებას 2 კვირაში ერთხელ;
ბიზნესის წარმომადგენლები უნდა დარეგისტრირდნენ სპეციალურ პორტალზე და შეძლებენ, ინტენსიური ტესტირების პროგრამის ფარგლებში, პირველ მარტამდე უფასოდ გატესტონ თანამშრომლები.

ცქიტიშვილის თქმით, ეპიდემიოლოგიურ მდგომარეობას მუდმივად შეაფასებენ და თუ იქნება გაუმჯობესება, შეზღუდვები ისევ შემსუბუქდება.

"კერძოდ, თუ, როგორც აჭარაში, შვიდი დღის ვირუსის დადებითობის მაჩვენებელი არ იქნება 4%-ზე მეტი, გვექნება საშუალება გავაგრძელოთ შემსუბუქების წერტილოვანი სტრატეგია. [...]

სხვა ქალაქებში, რადგან გვქონდა უკეთესი ვითარება, ვიდრე გვაქვს თბილისში, ქუთაისში ან რუსთავში, შესაბამისად, ჩვენ შევძელით, რომ პირველი თებერვლიდან გავხსნათ სკოლები, მუნიციპალური ტრანსპორტი და სავაჭრო ობიექტებიც", — განაცხადა მან.

ბოლო ამბები:

გირჩევთ

რა შეზღუდვები რჩება ძალაში და რა იხსნება

კომენტარები

კვირის ტოპ-5

გირჩევთ

ახლა კითხულობენ