შინაგან საქმეთა სამინისტროს ინფორმაციით, გასული 24 საათის განმავლობაში, დაწესებული შეზღუდვების ფარგლებში მოქმედი რეგულაციების დარღვევის 1 020 ფაქტი გამოვლინეს. უწყებაში აცხადებენ, რომ იზოლაციისა და კარანტინის წესის დარღვევისთვის 104 ადამიანი 2 000 ლარით დაჯარიმდა. მათ შორის არიან მოქალაქეები, რომლების ღამის საათებში გადაადგილდებოდნენ.

გარდა ამისა, 24 საათის განმავლობაში პირბადის ტარების წესის დარღვევისთვის 916 ადამიანი 20 ლარით დაჯარიმდა.

შსს-ში აცხადებენ, რომ საქართველოს ტერიტორიაზე მყოფი ყველა პირი ვალდებულია, დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს. უწყება მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.