ქართული ოცნების დეპუტატის, სოზარ სუბარის განცხადებით, მას აქვს ინფორმაცია იმის შესახებ, რომ ნაციონალური მოძრაობის კოალიციიდან პარლამენტში შესვლა არაერთ პარტიას სურს.

"პარლამენტში არის 2 პარტია. დარწმუნებული ვარ, კიდევ გამოჩნდება 1-2 პარტია, რომლებიც შემოვლენ. შეიძლება "ევრონაცები" და "ნაცები" არ შემოვიდნენ, მაგრამ "ნაცების" კოალიციაში არის არაერთი პარტია, რომელთაც, ვიცი, ინფორმაცია მაქვს, რომ სურვილი აქვთ შემოსვლის. რამდენად დაუძვრებიან სააკაშვილის ბულინგს, ეს ცალკე საკითხია", — განაცხადა სუბარმა რუსთავი 2-ის ეთერში.

თუმცა, კონკრეტული პარტიებისა თუ პოლიტიკოსების დასახელებისგან მან თავი შეიკავა.