შობა-ახალი წლების ტალღამ გადაიარა და თბილისის ზოოპარკსაც ტრადიციული თხოვნა აქვს, რაც ბერნი სანდერსისგან განსხვავებით, ფინანსებს სულაც არ ეხება.

მოკლედ, წელიწადის ის დრო დაგვიდგა, როცა თბილისის ზოოპარკში მცხოვრები დათუნიები ჩვენს ნაახალწლარ ჩიჩილაკებს ელოდებიან.

"თქვენთან ტრადიციული სათხოვარი გვაქვს: თუ შეძლებთ, თუ მოიცლით, თუ მოახერხებთ ამ ვითარებაში, მოგვიტანეთ თქვენი ჩიჩილაკ-ნაძვის ხეები ზოოპარკში და შეიტანეთ წვლილი ჩვენი ცხოველების ყოველდღიურობის გამრავალფეროვნებაში", — წერს ზოოპარკი ფეისბუქზე.

🙏 თქვენთან ტრადიციული სათხოვარი გვაქვს: 🎄 ახალმა წლებმა ჩაიარა და ალბათ სახლში ყველას მოგეპოვებათ ჩიჩილაკი, ან...

Posted by თბილისის ზოოპარკი • Tbilisi Zoo on Tuesday, January 19, 2021

მსგავსი თხოვნით თბილისის ზოოპარკმა მოქალაქეებს შარშანაც მიმართა და მათაც გულთან ახლოს მიიტანეს დათვების ნატვრა.