10 ახალი ავტობუსი 2 თებერვლიდან #37 მარშრუტზე იმოძრავებს. MAN-ის ფირმის ავტობუსები სადგურის მოედნიდან აეროპორტის მიმართულებით იმოძრავებს. ავტობუსებს შორის ინტერვალი 23 საათიდან დილის 7 საათამდე პერიოდში 30-წუთიანი იქნება. ინფორმაცია ამის შესახებ თბილისის მერიის პრესსამსახურმა გაავრცელა.

მათივე ინფორმაციით, N37-იდან გათავისუფლებული ავტობუსებიდან თითო-თითო #19, 50, 72 და 101 მარშრუტებს დაემატება.

შემდეგ ეტაპზე ახალი ავტობუსები #14 მარშრუტზე იგეგმება, რომელიც დიდი დიღმიდან ბარათაშვილის ხიდამდე მოძრაობს.