"აქ პატარა არავინ არ არის", — ასე პასუხობს ქართული ოცნების დეპუტატი, გია ვოლსკი პარტიის დამფუძნებლისა და ყოფილი თავმჯდომარის, ბიძინა ივანიშვილის გაფრთხილებას, რომ პოლიტიკიდან წასვლის შემდეგ არ დაურეკონ.

"პოლემიკა იყო ყოველთვის წახალისებული, აქედან გამომდინარე, ეს ტრადიცია, რასაკვირველია, გუნდმა არ უნდა მოიშალოს, თუკი ამის წამხალისებელი და მთავარი მამოძრავებელი აღარ იქნება პოლიტიკურ გუნდში. არ დამირეკოთ ნიშნავს, პოლიტიკურ საკითხებთან მიმართებაში თქვენ უნდა იყოთ იმდენად დამოუკიდებელი, რამდენადაც ეს სჭირდება სახელმწიფოს და პოლიტიკურ გუნდს, ეს ერთი. მეორეც, აქ პატარა არავინ არ არის, რასაკვირველია, წლების მანძილზე ჩამოყალიბდა სტაბილური, მძლავრი გუნდი, რომელსაც შეუძლია გამოწვევებს დაუპირისპირდეს", — განაცხადა ვოლსკიმ.

პოლიტიკიდან წასვლის შემდეგ ბიძინა ივანიშვილმა 12 იანვარს პირველ არხს სატელევიზიო ინტერვიუ მისცა. იქ მან წასვლის მიზეზებზე ისაუბრა და ისიც აღნიშნა, რომ ამ გადაწყვეტილების მიღების შემდეგ გუნდი გააფრთხილა, მისთვის არ დაერეკათ და მისგან შენიშვნებს არ დალოდებოდნენ. მისი განცხადებით, ეს წასვლა უკვე საბოლოოა და უკან დაბრუნებას აღარ აპირებს.

ამავე თემაზე: