ხელვაჩაურში, შარაბიძეების დასახლებაში აქცია გაიმართა, სადაც სამი ადამიანი ადმინისტრაციული წესით დააკავეს.

TV პირველის ინფორმაციით, აქციის მონაწილეები მათი ახლობლის დაკავებას აპროტესტებდნენ. შინაგან საქმეთა სამინისტროში On.ge-ს უთხრეს, რომ აღნიშნული პიროვნება საქართველოს სისხლის სამართლის კოდექსის 236-ე მუხლით დააკავეს, რაც იარაღის უკანონო შენახვა-შეძენას გულისხმობს.

"ვაპროტესტებთ იმას, რომ 53 წლის კაცი, უკანონოდ, უდანაშაულოდ დააკავა პოლიციამ", — აცხადებს ერთ-ერთი აქციის მონაწილე.

რაც შეეხება აქციის მონაწილეებს, შინაგან საქმეთა სამინისტროში On.ge-ს უთხრეს, რომ ისინი ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და პოლიციის მიმართ დაუმორჩილებლობას გულისხმობს.