დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილის, პაატა იმნაძის განცხადებით, შეზღუდვების გახანგრძლივების შესახებ გადაწყვეტილება საკოორდინაციო საბჭომ იმიტომ მიიღო, რომ თავიდან ავირიდოთ კორონავირუსის მესამე ტალღა.

"ჩვენ რომ არ გვინდა, რომ იყოს მესამე ტალღას რასაც უძახიან, ამიტომაც მიღებული იქნა სწორედ აი ეს გადაწყვეტილება, რომ ცოტა კიდევ გავუძლოთ, ცოტა კიდევ გავახანგრძლივოთ შეზღუდვები, იმის გარანტია რომ გვქონდეს, რომ მესამე ტალღას, ასე ვთქვათ, გავუძვრებით და ჩვენი გახსნების შედეგად ქვეყანაში სიტუაცია არ დამძიმდება და ამასობაში წამოგვეწევა ვაქცინაციაც, ამასობაში წამოგვეწევა სითბოც და ეს ყველაფერი მოგვცემს იმის საშულებას, რომ გაცილებით უფრო მშვიდად მივიდეთ ზაფხულის პერიოდამდე", — განაცხადა პაატა იმნაძემ.

დღეს, ეკონომიკის მინისტრმა, ნათია თურნავამ განაცხადა, რომ კორონავირუსთან დაკავშირებული ყველა შეზღუდვა, მათ შორის საზოგადოებრივ ტრანსპორტთან და არასასურსათო მაღაზიებთან დაკავშირებული, 1-ელ თებერვლამდე გაგრძელდება.

გაიგეთ მეტი: