ოკუპირებულ გაგრაში ღამით მოსულმა წვიმამ ხანძარი ვერ შეაჩერა. ინფორმაცია ამის შესახებ გაგრის სახანძრო-სამაშველო ჯგუფის ხელმძღვანელმა, დავიდ ბგანბამ გაავრცელა.

"ცეცხლი განაგრძობს გავრცელებას. ამავე დროს, დასახლებულ პუნქტს საფრთხე არ ემუქრება. ადგილზე საგანგებო სიტუაციების სამინისტროს მეხანძრეები მორიგეობენ", — განაცხადა ბგანბამ.

უკვე რამდენიმე დღეა ოკუპირებულ გაგრაში ძლიერი ხანძარია. ადგილიდან გავრცელებული ვიდეოებიდან და ფოტოებიდან ჩანს, რომ ცეცხლი დასახლებულ პუნქტს უახლოვდება. საქართველოს ხელისუფლებაში აცხადებენ, რომ დახმარება შესთავაზეს და პასუხის მიღებისთანავე ჩაერთვებიან ხანძრის ქრობის პროცესში.