ვაშინგტონის მერმა კაპიტოლიუმთან მიმდინარე მოვლენების გამო, ქალაქში კომენდანტის საათი გამოაცხადა. ამის შესახებ ინფორმაციას CNN ავრცელებს.

CNN-ის ინფორმაციით, კომენდანტის საათი ერთი დღით, 18:00-დან 06:00 საათამდე იმოქმედებს. მათივე ინფორმაციით, აშშ-ის ვიცე პრეზიდენტი, მაიკ პენსი კაპიტოლიუმის შენობიდან უკვე გაიყვანეს.

ამერიკის შეერთებული შტატებში კონგრესს დღეს საპრეზიდენტო არჩევნების შედეგები უნდა დაემტკიცებინა. დონალდ ტრამპის მხარდამჭერების მიერ კონგრესში შეჭრის გამო სხდომა შეჩერებულია.