შინაგან საქმეთა სამინისტროს ინფორმაციით, სამეგრელო-ზემო სვანეთის პოლიციის დეპარტამენტის თანამშრომლებმა 43 წლის პირი განზრახ მკვლელობის მცდელობის ბრალდებით დააკავეს.

შსს-ში აცხადებენ, რომ ბრალდებულმა აბაშის მუნიციპალიტეტის სოფელ სამიქაოში, ურთიერთშელაპარაკების შემდეგ ბასრი საგნით — მაკრატლით — სხეულზე დაზიანებები მიაყენა 1973 წელს დაბადებულ ზ.დ.-ს. სამინისტროში აცხადებენ, რომ იგი უკვე კლინიკაშია და შესაბამისი მკურნალობა უტარდება.

დანაშაული 7-დან 15 წლამდე ვადით თავისუფლების აღკვეთას ითვალისწინებს.